KALENDARI I AKTIVITETEVE

Të diplomuar në Shkenca Islame, Bedër

Marinela Kullolli e diplomuar në Shkenca Islame Bachelor në KU Bedër, pjesë e stafit të Radio Spektrum. Departamenti i Shkencave Islame i uron suksese në detyrën e saj

Takim ndërfetar i të rinjve me ambasadorin amerikan në KU “Bedër”

Më datë 30 janar 2018, ambasadori i Shteteve të Bashkuara të Amerikës në Tiranë, z. Donald Lu, zhvilloi një takim të hapur me studentë në Kolegjin Universitar “Bedër”, thelluar në modelin shqiptar të harmonisë, bashkëjetesës dhe dialogut ndërfetar. Fillimisht përcollën mesazhet e tyre studentët përfaqësues nga katër institucione të larta akademike: Enxhi Hasmeta, Shkenca Islame “Bedër”; Erjeta Çela, Universiteti “Zoja e Këshillit të Mirë”; Kristabela Goga, Akademia Teologjike Ortodokse dhe Zef Marku nga Instituti Teologjik Katolik. Në mesazhet e tyre studentët ndanë mbresat dhe përshtypjet nga takimet dhe simpoziumet ndërfetare të zhvilluara më parë, si dhe eksperiencat nga jeta e tyre personale lidhur me bashkëjetesën ndërfetare. Ambasadori Donald Lu përgëzoi nisma të tilla lidhur me harmoninë ndërfetare, si dhe dha si shembull të bashkëjetesës ndërfetare atë të familjes së tij. Gjatë fjalës së tij ambasadori amerikan motivoi të rinjtë për të vazhduar në rrugën e tolerancës dhe të bashkëjetesës ndërfetare. “E di që të gjithë ju do të jeni pjesë e brezit, që do t’i japë fund dhunës, e cila justifikohet përmes fesë”,- shtoi z. Lu. Takimi me studentët vazhdoi me pyetje-përgjigje, ku ambasadori i Shteteve të Bashkuara të Amerikës në Tiranë, Donald Lu, së bashku me të pranishmit e tjerë, theksuan rolin e rëndësishëm, që kanë të rinjtë në ecjen përpara të shoqërisë shqiptare. Ambasadori Lu gjatë këtij takimi vizitoi edhe ekspozitën “Harmonia ndërfetare në Shqipëri”, çelur në ambientet e KU “Bedër”. Të pranishëm në këtë aktivitet ishin përfaqësues nga Komuniteti Mysliman i Shqipërisë, rektorë, drejtues dhe pedagogë nga katër institucionet akademike: Kolegji Universitar “Bedër”, Universiteti “Zoja e Këshillit të Mirë”, Kolegji Universitar “Logos”, Akademia Teologjike Ortodokse dhe Instituti Teologjik Katolik, si dhe studentë të shumtë nga këto katër institucione të larta akademike.

Leksion i hapur me Dr. Reshad el-Kejlani

Departamenti i Shkencave Islame “Bedër” ka zhvilluar më dt. 29.01.2018 një leksion të hapur me Dr. Reshad el-Kejlani, drejtor i Institutit për përgatitjen e imamëve “Mbreti Abdullah II” në Jordani. Gjatë këtij takimi Dr. Reshad el-Kejlani mbajti një ligjëratë drejtuar studentëve, ku ndër të tjera theksoi vlerën e dijes dhe shfrytëzimin e kohës për të përfituar sa më shumë prej saj. Në këtë takim merrnin pjesë nënkryetari i Komunitetit Mysliman të Shqipërisë H. Bujar Spahiu, dekani i Fakultetit të Shkencave Humane, Prof. Asoc. Dr. Rahim Ombashi, përgjegjësi i departamentit të Shkencave Islame, Dr. Genti Kruja, si dhe anëtarë të tjerë të ekipit akademik të departamentit të Shkencave Islame. Dr. Reshad el-Kejlani zhvilloi një vizitë disaditore në Shqipëri me ftesë të Komunitetit Mysliman të Shqipërisë, gjatë së cilës ka marrë pjesë edhe në Konferencën III Shkencore Ndërkombëtare “Roli i imamëve në shoqërinë moderne”, organizuar nga KMSH dhe KU “Bedër”.

Leksion i hapur me Dr. Reshad el-Kejlani

Departamenti i Shkencave Islame, Bedër ka zhvilluan sot më dt. 29.01.2018 një leksion të hapur me Dr. Reshad el-Kejlani, drejtor i Institutit për Përgatitjen e Imamëve “Mbreti Abdullah i Dytë” në Jordani. Gjatë këtij takimi Dr. Reshad el-Kejlani mbajti një ligjëratë drejtuar studentëve, ku ndër të tjera theksoi vlerën e dijes dhe shfrytëzimin e kohës për të përfituar sa më shumë prej saj. Në këtë takim merrnin pjesë nënkryetari i Komunitetit Mysliman të Shqipërisë H. Bujar Spahiu, dekani i Fakultetit të Shkencave Humane, Prof. Asoc. Dr. Rahim Ombashi, Përgjegjësi i Departamentit të Shkencave Islame, Dr. Genti Kruja, si dhe anëtarë të tjerë të stafit akademik të Departamentit të Shkencave Islame. Dr. Reshad el-Kejlani gjendet për një vizitë disa ditore në Shqipëri me ftesë të Komunitetit Mysliman të Shqipërisë, gjatë së cilës kanë marrë pjesë edhe në Konferencën e III-të “Roli i imamëve në shoqërinë moderne”, organizuar nga KMSH dhe KU Bedër.

Vizitë nga Bashkësia Islame Shqiptare e Zvicrës dhe Gjermanisë

Drejtues dhe përfaqësues të Bashkësive Islame Shqiptare të Zvicrës dhe Gjermanisë kanë zhvilluar ditën e shtunë me 27 janar 2018 një vizitë në Kolegjin Universitar Bedër. Delegacioni përbëhej nga Hafiz Mehas Alija, Kryetari i Unionit të Bashkësive Islame Shqiptare në Zvicër, Hoxhë Zulhajrat Fejzullahi, imam i Xhamisë së Shqiptarëve në Hamburg, Gjermani, Imam Ridvan Kurtishi nga Frankfurti dhe bashkëpunëtorë të tjerë. Fillimisht mirëseardhjen ia ka uruar rektori i KU Bedër Prof. Dr. Ferdinand Gjana Gjana, i cili ka falenderuar të ftuarit për vizitën. Më pas delegacioni ka zhvilluar një takim dhe bashkëbisedim me pedagogë dhe studentë të Departamentit të Shkencave Islame. Gjatë këtij takimi ata janë përshëndetur nga Dekani i Fakultetit të Shkencave Humane Prof. Rahim Ombashi dhe Përgjegjësi i Departamentit Dr. Genti Kruja. Më pas lektori i këtij departamenti PhD. Cand. Hysni Skura ka bërë një prezantim të departamentit ndër vite. Të pranishëm gjatë këtij takimi ishin Drejtori i Fondacionit ‘H. Ali Korça’ z. Dritan Laci Laçi dhe Drejtori i Kulturës në KMSH z. Dorian Demetja. Delegacioni i diasporës gjendet për një vizitë disa ditore në Shqipëri me ftesë të Komunitetit Mysliman të Shqipërisë, gjatë së cilës kanë marrë pjesë edhe në Konferencën e III-të “Roli i imamëve në shoqërinë moderne”, organizuar nga KMSH dhe KU Bedër.

Konferenca e III-të e Imamëve

Sot, e shtunë, 27 janar 2018, nga zhvillimi i Konferencës së III-të "Roli i imamëve në shoqërinë moderne", organizuar nga Komuniteti Mysliman i Shqipërisë dhe Kolegji Universitar Bedër, me të ftuar personalitete dhe drejtues të institucioneve islame nga Jordania, Gjermania dhe Zvicra.

Vizitë nga Bashkësia Islame Shqiptare e Zvicrës dhe Gjermanisë

Drejtues dhe përfaqësues të Bashkësive Islame Shqiptare të Zvicrës dhe Gjermanisë kanë zhvilluar më 27 janar 2018 një vizitë në Kolegjin Universitar “Bedër”. Delegacioni përbëhej nga Hafiz Mehas Alija, kryetari i Unionit të Bashkësive Islame Shqiptare në Zvicër, Hoxhë Zulhajrat Fejzullahi, imam i Xhamisë së Shqiptarëve në Hamburg, Gjermani, imam Ridvan Kurtishi nga Frankfurti dhe bashkëpunëtorë të tjerë. Fillimisht mirëseardhjen ua ka uruar rektori i KU “Bedër” Prof. Dr. Ferdinand Gjana Gjana, i cili ka falënderuar të ftuarit për vizitën. Më pas delegacioni ka zhvilluar një takim dhe bashkëbisedim me pedagogë dhe studentë të departamentit të Shkencave Islame. Gjatë këtij takimi ata janë përshëndetur nga dekani i Fakultetit të Shkencave Humane Prof. Rahim Ombashi dhe përgjegjësi i departamentit Dr. Genti Kruja. Më pas lektori i këtij departamenti PhD. Cand. Hysni Skura ka bërë një prezantim të departamentit ndër vite. Të pranishëm gjatë këtij takimi ishin drejtori i Fondacionit “H. Ali Korça” z. Dritan Laçi dhe drejtori i Kulturës dhe Arsimit në KMSH z. Dorian Demetja. Delegacioni i diasporës gjendej për një vizitë disaditore në Shqipëri me ftesë të Komunitetit Mysliman të Shqipërisë, gjatë së cilës pjesëtarët e tij kanë marrë pjesë në Konferencën III “Roli i imamëve në shoqërinë moderne”, organizuar nga KMSH dhe KU “Bedër”.

Konferenca III e imamëve

Më 27 janar 2018 u zhvillua Konferenca III "Roli i imamëve në shoqërinë moderne", organizuar nga Komuniteti Mysliman i Shqipërisë dhe Kolegji Universitar “Bedër”, me të ftuar personalitete dhe drejtues të institucioneve islame nga Jordania, Gjermania dhe Zvicra.